Mágur í heimsfréttum

Stebbi mágur hefur verið mikið í fréttum síðustu daga enda formaður íslensku sendinefndarinnar á fundi alþjóða hvalveiðiráðsins. Merkilegt að sjá hann í viðtölum við erlenda fjölmiðla, vitnað í hann á CNN og BBC. En hvað er málið að láta taka mynd af sér þar sem maður er að troða mat upp í sig!!
Það er áhugavert að fylgjast með því hversu duglegir íslenskir gasprarar eru við að mynda sér skoðun á því sem gerðist á þessum fundi án þess að hafa til þess forsendur. Á vísi og strik hrópa menn hver í kapp við annan af næstum því jafn miklu þekkingarleysi og þegar þeir tjá sig um pólitíkina.

Annars fellur þetta hvalamál alveg í skuggann af Anelka málinu stóra. Jebb, Houllier ákvað að kaupa ekki Anelka og þetta hefur valdið miklum titringi meðal Liverpool manna. Á teamtalk og fleiri liverpool vefsíðum eru menn alveg að missa sig. Ég er þokkalega rólegur, maður hlýtur að treysta Húlla.