HM
Ég vaknaði að sjálfsögðu eldsnemma í morgun til þess að horfa á HM. Ég og Inga María fórum á fætur 6:30 og kíktum á leik Írlands og Kamerún sem endaði 1-1. Ágætis leikur og Írar voru ekki langt frá því að ná öllum stigunum. Áttu m.a. stangarskot þegar skammt var eftir af leiknum.

Inga María sofanði í fanginu á mér rétt fyrir hálfleik enda á hún ekkert að vakna svona snemma. Rölti með hana upp aftur til Gyðu en þær sváfu nú ekkert mjög lengi í viðbót stelpurnar.

Ótrúlega lítið mál að vakna snemma, þar sem ég vakna hvort sem er alltaf 6:20 virka daga. Ég held að HM gláp muni ganga vel þetta árið. Danmörk - Úrúgvæ í beinni núna, ég held með dönum.