Svaf frameftir í morgun. Fór ekki á fætur fyrr en klukkan átta :)

Slakaði á heima og dundaði mér smá stund með Kollu og Ingu Maríu. Ég sé stelpurnar mínar ósköp lítið þessa dagana. Þær eru ekki vaknaðar þegar ég legg af stað og löngu sofnaðar þegar ég kem heim. Áróra gisti hjá pabba sínum í nótt.

Tók svo strætó í vinnuna í dag, rauða kortið mitt rennur út næsta þriðjudag og ég ætla ekki að endurnýja það. Stefnan er semsagt sett á að hjóla í allt sumar. Enda er þetta lítið mál og spikið rennur af mér þessa dagana.

89,6kg á vigtinni í morgun.