Ekki gerist margt utan vinnu. Á fimmtudagskvöldið tók ég mér klukkutíma pásu í vinnunni og rölti yfir á Celtic Cross. Þar hitti ég Davíð, Regin og Óla yfir ölkollu.

Þegar ég kom heim eftir vinnu á fimmtudeginum var klukkan 01:30. Gyða tók á móti mér frekar pirruð þar sem Inga María hafði tekið upp á því að vakna og var bara hin hressasta. Ég og Inga María vöktum því fram eftir en Gyða skellti sér aftur í rúmið.

Síðustu daga hafa verið frekar stressaðir í vinnunni. Hlutir sem ég hef á minni könnu hafa verið að taka miklum breytingum, sem betur fer virðist það vera að ganga upp.

Næstu helgi fara stelpurnar mínar á ættarmót en ég verð eftir heima. Það er kjörið tækifæri fyrir kvenfélagsfund !!!