Gyða fór á foreldrafund í skólanum hennar Áróru í morgun. Ég bar því ábyrgð á því að koma stelpunum á fætur, Kollu í leikskólann og Áróru í skólann.

Við skulum bara segja að ég hafi ekki borið þá ábyrgð vel !!

Það tók mig heljar tíma að finna föt á Kollu og Inga Maríu. Ég náði ekki að festa Ingu Maríu í vagninn. Ég átti í mesta basli með að fá Kollu til að rölta í leikskólann, hún var alltaf eitthvað að slóra, þar til pabbi hennar tók hana í fangið og hélt á henni góðan spotta.

Og svo var ég náttúrulega alltof seinn til baka þannig að Áróra var alveg við það að vera of sein í skólann.

Nei, ég hef aldrei haldið því fram að starfið hennar Gyðu væri auðvelt.