Örvitinn

serverinn hikstaði

Serverinn missti samband við umheiminn klukkan 10:40 í morgun, endurræstist þá af einhverri ástæðu og eins og staðan er núna þarf ég alltaf að setja inn ákveðnar stillingar (default route) til þess að hægt sé að tengjast honum fyrir utan CCP.

Þetta er náttúrulega bara bölvuð leti í mér að vera ekki búinn að læra á þetta. Regin sendi mér póst og lét mig vita, annars hefði ég ekkert fattað. Og þó, dagbókarkerfið virkar ekki heldur eftir að vélin er ræst, því ég þarf að starta gagnagrunninum í höndunum líka.

Ég, Gyða og Inga María fórum í morgun að sækja foreldra mína út á flugvöll, en þau voru að koma úr vikuferð í Portúgal.

Vélin frá Glasgow var að koma á sama tíma, stútfull af Skoskum bullum í pilsum.

Annars hafði ég hugsað mér að tuða um það að búið er að skyggja glerin í móttökusalnum í flugstöðinni þannig að nú sér maður ekki lengur þegar fólk kemur niður rúllustigann og inn í fríhöfnina. Nenni ekki að tuða um það núna :-)

tölvuvesen
Athugasemdir

Gyða - 11/10/02 14:20 #

haaaaa þú að nenna ekki að tuða !!!! Ertu nokkuð að verða lasinn ástin mín :-) Gyða