Voðalega gengur raftækjaverslunum illa að svara í símann í dag. Eflaust mikið að gera, fólk á fullu að skipta jólagjöfum.

Er að leita að 64MB minniskorti í myndavélina, eina kortið mitt sem er í lagi er 8MB kortið sem fylgdi myndavélinni. Þrjú kort hafa eyðilagt síðasta árið sem segir mér að Smartmedia kortin eru ekkert alltof traust. Held ég passi að næsta myndavél sem ég kaupi mér taki eitthvað annað, en það gildir t.d. um þessa myndavél.

Náði sambandi við Elkó, þeir áttu kortið ekki til. Ekki náði ég sambandi við neina lifandi manneskju í Expert, þeir áttu að gorta sig meira af þjónustunni.

Uppfært 20:15
Náði símasambandi við BT og þar sagði einhver gaur mér að 64MB Smartmedia kort væru til í BT Skeifunni. Ég fór þangað og eftir að hafa beðið í kortér eftir sölumanni (það var mikið að gera) kom í ljós að þeir áttu engin Smartmedia minniskort. BT er drasl. Ég skellti mér í World Class og tók fína æfingu. Eftir æfingu sótti ég Áróru til pabba síns og við kíktum við í Tölvulistann og viti menn, þar áttu þeir kortið til á fínu verði (sama verði og BT og Elkó gáfu upp, 3990.- ) og ég þurfti ekki að bíða mjög lengi eftir sölumanni þó þar hafi verið mun meira að gera hlutfallslega en í BT.

Jæja niðurstaðan er semsagt sú að BT og ELKÓ eru draslbúðir. Tölvulistinn er flott búð. Tæknibær er líka flott búð enda auglýsa þeir ekki vörur sem þeir eiga svo ekki til þegar á reynir.