Er í vinnunni, búinn að vera í allan dag, verð væntanlega til morguns. Sendum Goldmaster til BNA í kringum hádegi á okkar tíma. Ég á eftir að útfæra patching kerfið upp á nýtt, er reyndar kominn með einfalda lausn sem ég ætti að geta riggað upp á nokkrum tímum. Vonandi gengur það vel.

Fórum í mat til mömmu og pabba áðan, ég skaust í klukkustund úr vinnunni. Inga María er með hita. Kolla og Gyða fóru í leikhús. Newcastle og United gerðu jafntefli (í sitthvorum leiknum).

Frábær lítil frásögn af Charles Ndifon í Sunnudagsmogganum. Konan sem steig upp úr hjólastólnum læknaðist ekki rassgat en er víst farin að heyra eitthvað með vinstra eyra. Gaurinn í villtu vinna miljón vissi ekki að Nobel fann upp dínamítið. Mér finnst að maður eigi ekki að fara í þennan þátt nema vita soddan hluti.

Ég fer aldrei í þáttinn vegna þess að ég kann ekki íslenskar barnavísur. Myndi detta út á 25 þúsund króna spurningu.

Ég hlusta á Nocturama nýja Nick Cave diskinn. Hef líka verið að hlusta á Turin Brakes.

Þannig er staðan.