Eftir að ég skrifaði:

"Það stendur ekki steinn yfir steini í þessum pistli Þráins og satt að segja man ég ekki eftir að hafa lesið einn einasta gáfulegan pistil eftir hann á baksíðu Fréttablaðsins og ég les þá nú samt flesta."

Tekur Þráinn sig náttúrulega til og skrifar pistil á baksíðu Fréttablaðsins í dag sem erfitt er að vera ósammála.

Þar er hann að fanga því að skatturinn sé farinn að eltast ólar við stóru fiskana en kvartar um leið undan því einelti sem skatturinn hefur lagt kvikmyndabransann í.

Ætli staðreynin sé ekki sú að menn eru duglegir við að svíkja undan skatti í kvikmyndabransanum en Þráinn bendir á réttu lausnina. Einfalda og létta skattareglur fyrir aðila í rekstri. Hann talar sérstaklega um einyrkja en þetta á náttúrulega við um alla.

Ef skattareglur eru einfaldar og sanngjarnar munu færri svíkja undan skatti. Ef þær eru flóknar og ósanngjarnar munu þeir sem hafa aðgang að sérfræðingjum finna aðferðir til þess að komast hjá því að greiða skatta.