Ég bætti inn nokkrum myndum í gærkvöldi. Gott ef ég sést ekki á einni mynd sem telst nú merkilegt á þessu heimili.

Inga María var ælandi í gærkvöldi, voðalega huggulegt. Hún þroskast óskaplega hratt þessa dagana, þær gera það reyndar allar stelpurnar en þroskinn verður meira áberandi hjá yngri börnum.

Ég var kominn heim klukkan sjö í gær, óskaplegur lúxus. Vann svo reyndar heima til klukkan þrjú í nótt. Geri ráð fyrir að verða frameftir í kvöld.

Það verður boðið upp á saltkjöt og baunir í vinnunni í kvöld. Ég ætla að sleppa því, held ég rölti frekar út og grípi mér einhvern hollan bita. Rjómabollurnar í gær og fyrradag voru meira en nóg af óhollustu fyrir þennan mánuð.