Þetta fíaskó í kringum Davíð og Hrein Baugsson er fínt dæmi um tilgangsleysi pólitískrar umræðu á Íslandi. Það er svo augljóst að skoðanir manna á þessu máli mótast fyrst og fremst af pólitískum skoðunum þeirra en ekki staðreyndum málsins (eða réttara sagt, því sem fram hefur komið í fjölmiðlum). Hægri menn trúa Davíð, vinstri menn telja hann lygara.

Ókeypis leikskóla segja Vinstri Grænir. Ókeypis.... ókeypis fyrir hvern ? Ekki mig, ég þarf bara að borga það sem eftir er lífs míns í stað þess að borga hærri upphæð næstu árin. Hvernig væri að redda mér fyrst leikskólaplássi áður en við ræðum um að ég þurfi ekkert að borga?

Vinstri Grænir, merkilegur hópur. Það má víst ekki segja að þau séu á móti öllu en Steingrímur Sigfússon er ennþá á móti bjórnum alveg eins og þegar hann kaus gegn því að bjór yrði lögleiddur. Ég vill minn bjór, reyndar bara af og til og helst úti í matvörubúð klukkan tvö eftir miðnætti.

Kolbrún Halldórs er á móti klámi og fjandakornið ef hún er ekki bara dæmi um kreddukerlingu af verstu sort. Klám og ofbeldi. Fjandakornið, ég er eiginlega að verða dáldið hræddur við þessa helvítis púritana sem vaða upp í þessu þjóðfélagi í dag. Feministar taka sér sama sess hér á landi og öfgasinnaðir kristmenn í Bandaríkjunum. Ég er ennþá með kynlíf á heilanum, ætli ég verði ekki lokaður inni eftir byltinguna. Greddukarl með tekjur yfir meðallagi. Óvinur ríkisins.

En fyrir hvern er þetta lið að berjast ? Dómsmálaráðherra, kristnir sjálfstæðismenn, vinstri grænir feministar. R-listafólkið sem stoppaði klámvæðinguna. Hvar er klámhundurinn á Alþingi? Í borgarstjórn? Ætlið þið að segja mér að ekkert af þessu liði viti hver Jenna Jameson er, hafi ekki rúnkað sér yfir Kobe Tai og eigi vídeóspólur í svefnherberginu.

Geldingar. Þetta eru allt saman geldingar.

Ungir pólitíkusar virðast vera fífl, sama í hvaða flokki þau eru. Ungir lögfræðingar í Sjálfstæðisflokknum. Óskaplega Sjálfstæðir og flottir þar til einhver tekur eftir þeim, þá hverfur sjálfstæðið. Geldingar.

Ungir sagnfræðingar og íslenskufræðingar í VG. Djíses kræst hvað er þetta lið að spá. Sjáið þið fyrir ykkur fjórtán tíma póstmóderníska textagreiningu á fjárlagafrumvarpi ef þetta lið kæmist á þing? "Eru þessi útgjöld raunveruleg útgjöld eða er hér hugsanlega um að ræða yfirfærðan raunveruleika, frumraunveruleika" Svo segist þetta lið vera frjálslynt en styður það ekki Steingrím Joð, Kolbrúnu?? Geldingar.

Ungir framsóknarmenn. uh.... geldingar?

Ungir Samfylkingarmenn. Give me a fucking break. Leiðtogadýrkandi geldingar. Man einhver eftir grænmetisauglýsingunum? Hefur þetta fólk skoðanir? Hefur þetta fólk skoðun? Geldingar.

Ef eitthvað af þessu liði gæti talað eins og venjulegt fólk, væri ekki sífellt í þessu heilaga helvítis röfli. Reynandi að höfða til sjötugs sannkristins bónda af Langanesi væri hugsanlega hægt að spá í fyrir hvað þetta lið stendur... en fjandinn hafi það. Ég held það sé bara eitthvað að þessu fólki sem fer að velta sér upp úr pólitík á unglingsárum í stað þess að runka sér yfir klámi á internetinu (djöfull að hafa ekki verið kominn með klám á internetinu þegar ég var unglingur) Umhverfið er víst það eina sem skiptir máli í dag, ef þú ert nógu andskoti mikið á móti virkjunum (afsakið náttúruhryðjuverkum) er allt í lagi. Þá ertu í góða liðinu og getur drukkið öl með góðri samvisku, rúnkað þér yfir klámmynd og klappað með þínum mönnum í beinni á Alþingi. Skiptir ekkert annað máli? Jú Írak... shitt hvað ég nenni ekki að röfla um það núna.

Nú les þetta hugsanlega einhver einhver með pólitískan metnað og hugsar: haha, djöfull á þetta vel við um hina. Þetta á við um þig líka, geldingurinn þinn.

Nú kann að vera að einhverjum þyki þessi litli pistill samhengislaus og lítt rökstuddur. Það skýrist af tvennu. Í fyrsta lagi þarf ég að komast í ræktina, er pirraður. Í öðru lagi eru yfirgnæfandi líkur á að viðkomandi skorti kyngetu.

Ég vil biðja geldinga afsökunar, þið eruð ágætir. Nei, þetta er ekki skrifað af mikilli alvöru.