Ég var ánægður með ráðherrann í fréttum í kvöld þegar hann mismælti sig í pontu og kallaði hómópatann í nefndinni hópómata þegar hann svaraði fyrirspurn Láru Margrétar Ragnarsdóttur um stöðu óhefðbundinna lækninga á Íslandi í dag.

Smáskammtalækningar er náttúrulega algjört kjaftæði eins og megnið af þessum óhefðbundnu lækningum sem nefndin á að fjalla um. Skil ekki af hverju nuddari sættir sig við að vera settur á sama stall. Nuddari nuddar vöðva, hómópati selur fólki hreint vatn og lýgur að því að vatnið sé eitthvað annað en það er. Getur verið að nuddarinn sé hnykklæknir ?

Ég gruna nú að þessi nefnd verði ekki til neins gagns, í nefnd reyna menn að ná sáttum. Ég veit ekki hvernig hægt er að ná sáttum varðandi óhefðbundnar lækningar öðruvísi en að kuklararnir játi á sig kuklið. Það að hómópati sé í nefndinni kemur í veg fyrir að hún fordæmi þetta kjaftæði allt saman. Mér þykir skottulækningar annars betra orð yfir þetta rugl.

Núna kann einhver að vilja leiðrétta mig með frásögnum af bakverk sem læknaðist hjá kírópata, hálsbólgu sem grasalækningar löguðu eða getuleysi sem læknaðist með nálastungum.

Látið það eiga sig, þetta er allt saman kjaftæði.

Vantar ekki hlandspeking í nefndina?