Rafmagnið kom á um þrjú leitið og Baddi kerfisstjóri ræsti serverinn, allt kom upp, ekkert nema gott um það að segja. Reyndar þurfti ég að setja eldvegginn af stað sjálfur núna rétt í þessu.

Það var víst einhver fótboltaleikur í sjónvarpinu í dag. Man ekki hvort ég horfði eitthvað á hann.

Fór svo og spilaði innibolta áðan, helvíti fín keyrsla, ég lék ágætlega en lét eins og fífl, bölvaði eins og geðsjúklingur þegar eitthvað klikkaði hjá mér.

Tvítugsafmæli Didda núna klukkan átta, Gyða vill að ég fari að skella mér í jakkafötin. Ég neita að hefja það ferli fyrr en fimm mínútum áður en við leggjum af stað.