Sverrir - 09/04/03 16:36 #

Reyndu að kynna þér málin! Annars ertu ekki viðræðuhæfur.

Lestu t.d. þetta. Hér er svo sannarlega fjallað um ólögleg vopn: Chemical hypocrites

Það myndu flestir "fagna" ef beint væri að þeim byssustingjum. Eða var kannski nasistaherjunum fagnað af einlægni í seinni heimsstyrjöldinni þegar þeir komu inn í sigraðar borgir? Þeir festu amk. fagnaðarlætin á filmu og hefðu sýnt þau í beinni ef þeir hefðu getað. Trúirðu þeim áróðursmyndum?

Það þýðir ekkert að endurtaka að maður sé ekki illmenni ef maður styður svo stríð sem beint er gegn óbreyttum borgurum. Var kannski réttlætanlegt að senda á flugskeyti á hótel með erlendum fréttamönnum? Ef þú þyrðir að ræða um slík mál tæki ég kannski mark á þér.

Matti Á. - 09/04/03 16:49 #

Hehe, auðvitað fagna þeir bara vegna þess að byssum er beint að þeim! Auðvitað. Þeir berja líka styttur og myndir af Saddam með skónum sínum vegna þess að byssum er beint að þeim. Auðvitað.

Ég var búinn að lesa þessa grein þakka þér fyrir, ég hef nefnilega kynnt mér málin. Ekki gera ráð fyrir að ég hafi ekki gert það.

Greinin fjallar um að Bandaríkjamenn ræða um að nota táragas og piparúða eins og lögreglan hér á landi notar.

"Var kannski réttlætanlegt að senda á flugskeyti á hótel með erlendum fréttamönnum? Ef þú þyrðir að ræða um slík mál tæki ég kannski mark á þér."

Þyrði að ræða um slíkt mál? hehehe, nei, Sverrir J. er greinilega ekki taugaveiklaður.

Það eiga sér stað bardagar í Bagdað. Í bardögum verða slys. Í bardögum látast saklausir borgarar og í þessu tilviki fréttamenn. Í öðru tilvikinu er nokkuð líklegt að hermenn hafi talið myndavélalinsur fréttamanna riffilsjónauka leyniskyttna.

Ég tel að þetta hafi verið mistök. Þú mátt trúa því mín vegna að þetta sé samsæri.

Sverrir - 09/04/03 17:04 #

Notkun táragassins (sem þeir hafa ekki bara talað um) er því miður ekki eina dæmið um notkun Bandaríkjahers á ólöglegum vopnum. Hvað með napalm og klasasprengur?

Enginn fréttamaður í Bagdad aðhyllist þína skýringu á því að þetta hafi verið mistök enda er hótelið auðþekkt og langt frá hernaðarlegum skotmörkum. Blaðafulltrúi breska hersins talaði um nauðsyn þess að þagga niður í áróðri Íraka, þ.e. að koma í veg fyrir að fulltrúar Íraksstjórnar tali við fjölmiðla. Það kæmi ekki á óvart ef það væri skýringin, enda ekki fyrsta dæmið um að slíkt sé gert í stríði.

En talaðu endilega um samsæriskenningar og taugaveiklun til að ófrægja þá sem eru ekki sammála þér. Þú verður betri og merkilegri maður fyrir vikið. Það er líka mjög karlmannlegt að yppta öxlum og segja að fólk deyi í stríði. En það er vissulega kjarni málsins. Þess vegna á að hugsa sig um áður en farið í stríð. Og þess vegna á ekki að nota þar vopn sem vitað er að munu auka mannfall óbreyttra borgara. Kannski er rétt að nefna aftur napalm og klasasprengjur.

En nei, rökræður við þig hafa lítinn tilgang. Ég get alveg tekið undir það. Haltu bara áfram að halda með þínu liði.

Matti Á. - 09/04/03 17:07 #

Napalm hefur ekki verið notað í þessu stríði. Hvar eru sannanir þínar fyrir því?

Klasasprengjur eru ekki ólögleg vopn. Það er staðreynd.

Hvar hefur táragas verið notað?

Líttu í eigin barm áður en þú sakar mig um að ófrægja þá sem ekki eru sammála mér.

Sverrir - 09/04/03 17:32 #

Notkun táragass hefur verið fyrirskipuð af Bush forseta sjálfum: www.sunspot.net

Sjálft CNN hefur sagt frá notkun napalms í þessu stríði.

globalresearch.ca

Notkun klasasprengja og lofthernaður á stórborgir hafa af mörgum verið talin í bága við Genfarsáttmálann um vernd óbreyttra borgara á stríðstímum, þótt Bandaríkin hafi að vísu aldrei fallist á það.

Matti Á. - 09/04/03 17:53 #

'Dead bodies are everywhere'

The Pentagon subsequently issued a statement to the Herald: Your story ('Dead bodies everywhere', by Lindsay Murdoch, March 22, 2003) claiming US forces are using napalm in Iraq, is patently false. The US took napalm out of service in the early 1970s. We completed destruction of our last batch of napalm on April 4, 2001, and no longer maintain any stocks of napalm. - Jeff A. Davis, Lieutenant Commander, US Navy, Office of the Assistant Secretary of Defense.

Nú gerum við að sjálfsögðu ráð fyrir að þeir ljúgi. En er ekki líka hugsanlegt að hér hafi ekki verið um að ræða Napalm sprengjur heldur thermobaric sprengju? Mér skylst að það geti verið erfitt að sjá muninn en ég er þó enginn sérfræðingur.

Til hvers að nota napalm þegar þeir eiga sambærileg lögleg glæný vopn? Ekki yrðu vopnaframleiðendur ánægðir með það ef Bandaríkjamenn væru að nota einhver afdalavopn frá sjöunda áratugnum í stríðinu núna.

Notkun táragass hefur verið fyrirskipuð ef þörf krefst en það hefur ekki enn verið notað. Um það þurfum við ekki að deila.

Ég tel notkun þess afskaplega vafasama á þessum slóðum þó það veri ekki nema bara út af sálfræðilegum ástæðum. En ég hef aldrei heyrt talað um að það sé glæpur gegn mannkyni þegar þetta sama táragas er notað til að dreifa mótmælendum eins og þó er iðulega gert.

Einar Örn - 09/04/03 18:29 #

Mogginn er átakanleg lesning sem fyrr. Í frétt dagsins segir: "Mikill fögnuður ríkir víða í Bagdad og hafa borgarbúar fagnað bandarískum hermönnum sem aka um göturnar". Tekur einhver mark á svona áróðursfréttum? Man fólk ekki eftir kvikmyndum úr síðari heimsstyrjöldinni, þar sem mannfjöldinn fagnaði hermönnum þriðja ríkisins á leið inn í "frelsaðar borgir"?

Ég leyfi mér að fullyrða að málsstaður og meðferð Bandaríkjanna sé talsvert betri en Nasista. Eigum við ekki bara að hætta þessum tilvísunum í Kalda Stríðið, Seinni Heimssyrjöldina. Sverrir styður ekki Stalín, Bush er ekki Hitler og svo framvegis. Sverrir er alltaf að gagnrýna Björn Bjarna og félaga fyrir svona gamlar tilvísanir og ég er sammála þeirri gagnrýni.

Og hvers vegna er það áróður að sýna fögnuð Íraka? Mér fannst yndislegt að sjá þessar myndir. Er eitthvað afbrigðilegt við það? Þrátt fyrir að Saddam hafi stundað stanslausan árangur gegn Bandaríkjunum þá trúir samt (allavega hluti) fólks í Írak að koma Bandaríkjanna sé gleðiefni.

Ótrúleg grimmd og virðingarleysi fyrir mannslífum virðist vera megineinkennið á hernaði Bandaríkjamanna í Baghdad þessa stundina

Mér finnst þetta ósanngjarnar staðhæfingar. Því það er ekki hægt að neita að Bandaríkjamenn gera flest til að reyna að takmarka fall óbreyttra borgara. Þess vegna er það hræðilega ósanngjarnt að lýsa þeim við innrásarheri Nasista.

Matti Á. - 09/04/03 19:43 #

Vel mælt Einar.

JBJ - 10/04/03 20:34 #

Já.. gera flest? Verst hvað það gengur illa

Matti Á. - 10/04/03 20:53 #

Gengur illa miðað við hvað?

War or death (sjá 9. apríl, ekki er hægt að vísa beint í færslur)