Það er eitthvað svo tómlegt að hafa ekkert nema þyngdartölu dagsins í annálum þessa dags. Úr því verður hérmeð bætt.

Djöfulsins blíða var þetta í dag, hjá CCP voru grillaðar pylsur etnar á svölunum í hádeginu. Ég held ég hafi tekið lit í andlitinu, átti erfitt með að draga mig inn aftur. Hékk þó inni fyrir framan bjarmann frá tölvuskjánum til klukkan fimm þegar Gyða sótti mig. Komum við í Hagkaup Skeifunni og versluðum í matinn hjá mömmu. Hún gaf mér líka buxur, skyrtur og skó sem hún hafði keypt á einhverjum rosadíl. Buxurunar eru 32" í mitti, ég held ég passi ekki í þær:-) En þetta er allt að koma þessa dagana.

Fórum svo heim og grilluðum. Ég var með svínaskanka penslaða með hoi sin sósu og í forréttt (nart á svölunum) var humar og ananas vafið í beikon. Skoluðum þessu niður með hvítvíni. Já við lifum hátt í Bakkaselinu.

Nú sit ég hér og vafra um netið, reyni að þjónusta EVE notendum í vandræðum og horfi á Guðföðurinn, fyrsta hluta. Sem er reyndar eina myndin í seríunni sem ég hef séð.

"Þetta er ekki persónulegt, þetta eru viðskipti"