Það er lítið að frétta af vígstöðvunum. Fórum í hádegiskaffi til tengdó eins og vanalega á laugardögum. Þar blaðaði ég í gegnum blöðin og ræddi þjóðmálin. Ætla mér að skrifa eitthvað um öryggismál í miðbænum og lögregluna, geri það síðar.

Gyða fór svo í vinnuna og skyldi mig aleinan eftir með stelpurnar. Inga María lagði sig í tvo tíma og Áróra leyfði Kollu að lita með sér þannig að þetta hefur verið frekar létt mál fyrir mig. Núna eru Kolla og Inga María að leika sér uppi og ég sit niðri og horfi á landsleikinn. Vonandi fara þær sér ekki að voða :-)

Landsleikurinn gengur ekkert alltof vel, spurning hvort stórstjörnurnar hefðu ekki mátt sleppa því að vera haugadrukknir í miðbæ Reykjavíkur um daginn?

Ekki mun ég gera nokkuð í kvöld frekar en önnur kvöld. Spurning hvort ég verði villtur og fái mér einn eða tvo bjóra. Mér líður stundum eins og ég sé gamalmenni :-/