Örvitinn

Geðsjúklingurinn Jónína Ben

Það er gleðilegt að fleiri en ég [1 2] hafa tekið eftir bullinu sem Jónína Ben fékk birt í mogganum í dag sem andsvar við þessu svari Bjarna Jónssonar SAMT-ara.

Grein Jónínu er ekki merkileg fyrir annað en það að ritstjórn moggans hleypir grein eftir augljóslega snargeðbilaða manneskju tvisvar beinustu leið á besta stað í blaðinu, en kjarni þessara greinar er enginn sannur skoti rökvilla. Þess má geta að svar Bjarna var birt aftast í blaðinu undir liðnum "bréf til blaðsins"

Í fyrri grein sinni sagði Jónína: Trúleysi, siðleysi og illmennska einkennir alla þá sem viðhafa og geta framkvæmt slík ódæðisverk, þ.e. að svipta börn sakleysinu og sjálfsvirðingunni eða réttara sagt að taka börn af lífi.

Þetta fór fyrir brjóstið á sumum trúleysingjum og því var ákveðið að svara. Ég veit ekki hvort það var gáfulegt að hafa fyrir því, stundum lætur maður geðsjúka bara í friði.

Áhugafólk um birtingarmynd geðbilunar geta lesið andsvar Jónínu Ben á blaðsíðu 25 í morgunblaðinu í dag.

...

Þú villt sönnun þess að barnaníðingar séu trúlausir. Mér finnst þú vanvirða mig með þessari bón því auðveldara verkefni hef ég nú ekki fengið síðan ég dró andann í fyrsta sinn, nýfædd.

Sönnunin er augljós þeim sem trúir, en ávallt falin trúleysingjum þó svo að þeir séu ekki siðlausir. Í ljósi þess að Bjarna hefur ekki tekist að finna Guð hefur sagan kennt okkur að hann veit ekki hvað trú er. Þess vegna verð ég að álykta að hann viti ekki heldur hvað trúleysi sé.

Trúleysingjar sem tileinka sér siðferði guðlegra kenninga hvaðan sem þær koma, drekka vatnið, sem betur fer, en hafa ekki fundið uppsprettuna. Borða ávextina en sjá ekki ræturnar. Ruglast oftast á trú og trúarbrögðum og ætla fólki einhverskonar aðild að ákveðinni skor, eins og Bjarni virðist hafa skráð mig í íslensku þjóðkirkjuna.

...

Hins vegar langar mig til að benda Bjarna á að siðfræði var ekki til á undan Guði því hann kom fyrstur.

...

Maður sem skilur ekki kynferði sitt verður alltaf trúleysingi því sársaukinn er slíkur að það góða frá Guði hlýtur að vera hulið honum. Kynferði hefur frá fyrsta degi skipt sköpum enda hlutverkin skilgreind þegar bitið var í eplið löngu fyrir Krist. Málið er annað í dag, því nú éta menn ekki epli heldur börn. Lifandi börn! Slíkir menn eru siðlausir trúleysingjar, en ekki eru allir trúleysingjar siðlausir menn. Lítil börn sjá oft bara hálfan heiminn þegar þau horfa út um gluggann, svo vaxa þau inn í restina. Þetta er í raun tilgangur lífsins.

Börn líkt og samkynhneigðir eiga rétt á því að vaxa, sama hvað trúleysinginn er sjúkur.

Þeir sem sannarlega þjást af geðsjúkdómum eða aðstandandur þeirra eru beðnir afsökunar á að Jónína Ben skuli sett undir sama hatt, ástand hennar er svo sannarlega einstakt.

03.10.05
Bendi lesendum á að þessi grein var skrifuð árið 2003 og tengist Baugsmálinu ekki á nokkurn hátt. Síðustu daga höfum við þó fengið skýringu á því af hverju Jónína fékk þessar greinar um trúleysi og barnamisnotkun birtar á sínumt tíma.

efahyggja
Athugasemdir

Einar Örn - 25/06/03 14:51 #

Þetta er mögnuð grein. Síðasta línan er náttúrulega stórkostleg snilld!

Sigurður Hólm Gunnarsson - 25/06/03 15:24 #

Ég óttast um geðheilsu þjóðarinnar ef það er einhver sem tekur þessar greinar Jónínu alvarlega! Alveg hreint magnaður rökvillukokteill.

Hulda Katrín - 25/06/03 15:43 #

Vesalings - greyið konan! "Trúleysingjar sem tileinka sér siðferði guðlegra kenninga../ " Hahahahaha " Bjarna hefur ekki tekist að finna Guð .../ " "siðfræði var ekki til á undan Guði því hann kom fyrstur./" Það er alltaf jafn gaman þegar fólk notar galdraskoðanir sem heilagar staðreyndir.

Ingi - 26/06/03 11:54 #

Getur verið að Guð hafi verið að refsa þér í leiknum í gær? :)

Matti - 26/06/03 12:05 #

Sem sannur efahyggjumaður verð ég að játa að sú hugsun kvarlaði að mér að nú hefði ég gengið of langt og drullað full hressilega yfir persónulegan vin Gvuðs (geðsjúklinginn Jónínu Ben) en svo fór rakhnífur Occams eitthvað að þvælast fyrir mér og ég neyðist til að kenna eigin getuleysi um frammistöðuna í gær :-P

En það er nánast kraftaverk að ég skuli ekki hafa skorað :-)