02.08.03 Ekki léttist ég í viku bústaðarferð

Þyngdartala dagsins er hrikaleg. Þetta þarf ekki að koma á óvart, ég er búinn að éta eins og svín alla vikuna og ekki nóg með það heldur var ég farinn að troða í mig sælgæti síðustu dagana. Þessu var svo öllu skolað niður með bjór, ekki skiptir máli þó það hafi að mestu verið léttbjór.

Ég skellti mér í ræktina í hádeginu og tók ágætis æfingu, lyfti og hljóp. Fékk mér svo próteinshake í hádegismat. Ég ætla að laga þetta ástand í einum grænum, eðlileg þyngdartala mun sjást innan fárra daga.

En ég mæli semsagt ekki með sumarbústaðarferð, grilláti á hverjum degi, sælgætisáti og bjórdrykkju þegar maður er að reyna að léttast :-) Ég byrjaði fríið reyndar ágætlega og skokkaði á laugardeginum og synti þokkalega á sunnudeginum, en þá var það búið, það sem eftir var ferðar var mesta hreyfingin sem ég fékk sú að sækja bjórinn í ísskápinn.

02.08.2003 15:33 heilsa prívat

02.08.03

Ekki léttist ég í viku bústaðarferð

Nýjar athugasemdir