Af hverju komast rugludallar alltaf í sjónvarpið? Eru engin takmörk fyrir vitleysunni sem fær umfjöllun í þessum þætti? Æfa umsjónarmenn Kastljóssins sig sérstaklega í því að segja "ja hérna" ? Er ekki kominn tími til að spjalla við hlandspeking, ég skal leika hlutverkið, gæti eflaust hljómað jafn sannfærandi og hinir rugludallarnir.

Jújú, eflaust vilja þau vera kurteis, fólk hefur áhuga á þessum málefnum og allt það, en ef blessaðir umsjónarmennirnir hefðu fyrir því að undirbúa sig örítið þyrftu þau ekki að hljóma eins og einfaldir bjánar. Vandamálið við að sýna rugludöllunum þessa kurteisi er að þá fá þeir alltaf að eiga síðasta orðið:
Hvernig er það, er ekki lang líklegast að þessir hringir séu gerðir af manna völdum? .... blablabla, geislanir, blablabla, sést úr lofti, blablabla, alltof flókin form.....blabla bla myndi taka alltof langan tíma... blabla tekur ekki nema fimmtán mínútur að myndast og allir eru sáttir!!

Ég legg til að umsjónarmenn Kastljóss kíki á vefsíður efahyggjumanna. Þar eru hlutirnir oft settir fram á skýran hátt og bullinu sem þessir rugludallar setja fram er öllu svarað.

Skeptic's dictionary: - Akurhringir
CSICOP: - Ýmsar greinar um akurhringi
The Straight Dope: What's the deal with Crop Circles