Er að borða chili-kjúklinganúðlur með rækjum en það hef ég ekki gert í mörg ár. Þegar ég og Gyða vorum í Háskólanum á árunum 95-99 þurftum við að spara aurinn og borðuðum þá núðlur og núðlusúpu oft í viku. Ég fékk mér núðlur, Gyða fékk sér súpu, eini munurinn er að maður hefur meira vatn með súpunni.

Við fundum fljótt upp á því að bæta rækjum út í til að gera þetta meira spennandi mat, keyptum okkur rækjupoka sem við áttum í frysti og tókum nokkrar rækjur og settum út í skálina í hvert sinn. Rækjupokinn entist okkur yfirleitt í marga mánuði.

Ég sá ekki betur en að núðlurnar hefðu meira en tvöfaldast í verði, minnir að þær hafi kostað tuttugu og eitthvað í den en þær kosta rúmlega sjötíu krónur í dag.

Svona mæli ég með því að rækjur séu útbúnar: 250ml vatn látið ná suðu, kryddið sett út í, þar með talið allt chili-ið, núðlurnar settar út í og látið malla í þrjár mínútur (n.b. þetta er nákvæmlega það sama og stendur á pakkanum :-P ) en þegar þetta er alveg að verða tilbúið takið þið lúku af rækjum og látið út í, ekki láta rækjurnar sjóða heldur bara rétt hitna í vatninu.