Það er nákvæmlega ekkert að því að vera pakksaddur af humar og örlítið kenndur af hvítvíni.

Vorum í kvöldmat hjá tengdó, þau keyptu annarsflokks humar um daginn og buðu til veislu í kvöld. Reyndar er ég sannfærður um að þetta annarsflokks humar dæmi er eitthvað tengt skattsvikum því það var nákvæmlega ekkert að þessum humar sem við borðuðum í kvöld. Einhverjar skeljar brotnar en lang stærstur hluti var klassahumar. Kæmi mér ekki á óvart að menn afskrifi brotinn humar ríflega og græði svo vel á að selja hann (svart).

Stebbi mágur bauð upp á hrefnu í forrétt, borðuðum hana hráa með sojasósu. Yndislegt.