Í Fréttablaðinu í dag er viðtal við Hermund Rósinkrans talnaspeking um töluna ellefu í ljósi atburðanna ellefta september. Ég hef heyrt í þessum talnaspeking í útvarpinu nokkrum sinnum, aldrei hefur hann sagt nokkuð gáfulegt!

Það kemur Hermundi hins vegar ekki á óvart að allt þetta skuli gerast á þessari dagsetningu. "Atburðir sem eiga sér stað þann ellefta eða tuttugasta og annan eða tuttugasta og níunda - því tveir plús níu gera ellefu - eru þannig að þeir hafa mikil áhrif á þjóðfélagið" segir hann.

Hindurvitni eru mismerkileg en talnaspeki hlýtur að teljast með því allra heimskulegasta sem fólki getur dottið í hug að trúa á. Spekingarnir rína í tölur, reikna út þversummur og blaðra svo einhver ósköp út frá því.

Ég held að maður hljóti að þurfa að vera töluvert vankaður til að trúa á svona kjaftæði. Þegar maður leitar á google að numerology eða talnaspeki sést að ekki skortir átrúendur.

Hermundur Rósinkrans heldur áfram í þessu magnaða viðtali.

"Eins og við vitum bjó maðurinn til dagatalið og tímann. En alheimurinn er náttúrulega tímalaus að því leyti að hann er ekki með neitt tímaskyn. En hann hefur hins vegar ákveðinn slátt. Hjartsláttur alheimsins gefur okkur vissa orku sem hefur áhrif á alla atburði. "
...
Hermundur bendir á að ýmislegt merkilegt megi sjá út úr dagsetningunni 9.11.2001, þegar árásirn á Bandaríkin var gerð. Þegar allar tölurnar í dagsetningunni eru lagðar saman fæst útkoman fjórtán. Þegar þær tvær tölur eru lagðar saman fæst útkoman fimm. "Það er dálítið merkilegt," segir Hermundur, "en þetta er frelsistalan. Þegar tölurnar í dagsetningu sjálfstæðisyfirlýsingar Bandaríkjanna eru lagðar saman fæst líka talan fimm og útkoman af bæði dagsetningu íslenska fullveldisins og sjálfstæðisins er fimm".

Skeptic's dictionary: numerology