Stelpurnar eru farnar til tengdó, ég er einn í húsinu. Klukkutími í að menn fari að skila sér í boðið.

Aðalrétturinn er tilbúinn, hita hann á eftir, bæti jógúrt og mangó mauki við. Deigið fyrir Nan brauðið er að lyfta sér. Þarf að fara að hnoða deig og búa til fullt af örþunnum nanbrauðum, úff ég nenni því varla - af hverju er ég ekki bara með tilbúin nanbrauð frá Myllunni :-)
Bjórinn og hvítvínið kólna í ísskápnum.

Ég opna fyrsta bjórinn, minn eigin en ekki sameignarbjór, og fæ mér fyrsta sopann, algjörlega meðvitaður um að alltof margir fylgja í kjölfarið og á morgun verður þynnka - svo drukkið meira og svo aftur þynnka á Sunnudag. Við það bætist að okkur er boðið í barnaafmæli á Sunnudag, þar verð ég heljar hress, ójá.

Aðalrétturinn er ógurlega sterkur enda sparaði ég ekki cayan piparinn, rétturinn mildast þó þegar jógúrt og mangó mauk bætast við. Með þessu verður svo kúskús, bæði "venjulegt" og kryddað að indverskum hætti. Það er afskaplega lítið mál og þægilegt að gera kúskús þannig að ég læt það bíða fram á síðustu stundu.
Ég var næstum því búinn að gleyma salatinu, hræri saman salati á síðustu stundu líka. Það er ekkert gaman að þessu ef maður er ekki að gera eitthvað á síðustu stundu :-P

18:30
Fokkit, nan brauðið fór í vaskinn (bókstaflega), hringdi í Egil og bað hann að grípa Myllu nan brauð. Ég er ekki sterkur bakaradrengur.