Í gær skutlaði ég Kollu og Ingu Maríu til tengdaforeldra minna og fór á fínan fund sem var lengri en ég gerði ráð fyrir, Ásmundur og Guðrún sátu uppi með stelpurnar allan daginn. Fór í innibolta og svo í teiti hjá Þresti. Borðaði mig saddann og drakk mig fullann í boði hans. Strákarnir spiluðu póker en ég lét það alveg eiga sig, tefldi tvær skákir við Vidda og tapaði með glæsibrag enda vafalítið versti skákmaðurinn í teitinu.
Ég, Steini og Viddi kíktum í bæinn, enduðum á Næsta Bar og sátum þar til fimm.

Í dag fórum við í Kringluna með stelpurnar, fengum okkur að borða, McDonalds handa stelpunum og kjúklingaburrito frá Serrano fyrir okkur hjónin. Fínn matur. Röltum einn hring og kíktum svo í bíó að sjá Finding Nemo, ágæt barnamynd en Kolla var frekar skelkuð, Inga María fattaði ekkert að vera hrædd.

Ég var ekki þunnur í dag - en fjandi þreyttur. Liverpool vann Birmingham og Heskey skoraði víst glæsilegt mark. Gaman að því.

Þannig var það.