Ég fékk fjórar bækur í jólagjöf. Gyða gaf mér Quicksilver eftir Neal Stephenson en þá bók hafði ég bent henni á fyrir jól. Stephenson skrifaði meðal annars Cryptonomicon sem er ein af mínum uppáhaldsbókum.

Frá Ingu ömmu hennar Gyðu (valið af Gummu mömmu Gyðu) fékk ég Stormur eftir Einar Kárason. Flott að fá íslenska skáldsögu, lýst vel á þessa bók.

Stebbi mágur gaf mér tvær bækur, annars vegar The Evolution of Morality and Religion eftir Donald M. Broom og hins vegar Adventures in a TV Nation eftir Michael Moore og Katheen Glynn.

Nóg að lesa á næstunni, en fyrst ætla ég að klára Globalization and its discontents eftir Joseph Stiglitz, er með hana í láni frá tengdó og var að byrja á henni.