Gyða skutlaði bílnum í viðhald hjá Bílheimum í morgun og því labbaði ég með stelpurnar í leikskólann. Veðrið er ágætt, frekar kalt en alveg stillt. Við erum ekki nema svona 10-15 mínútur að ganga í leikskólann þó litlir fætur fari áfram í stuttum skrefum. Það er notalegt að ganga í leikskólann þegar veðrið er gott, manni finnst maður ekki þurfa að flýta sér jafn mikið og venjulega, við vorum reyndar ekki mætt fyrr en rétt rúmlega tíu. Ég rölti svo í vinnuna og var mættur hálf ellefu, hálftíma of seint.

Á meðan ég gekk í vinnuna fékk ég símtal frá verkstæðinu, það þarf að skipta um læsingu í hurð. Fimmtán þúsund krónur sem þar fara aukalega út í buskann. Æi, það tekur því ekki að stressa sig á svoleiðis hlutum.