Ég verð afskaplega sjaldan veikur, hef undanfarin ár misst að meðaltali 1-2 daga úr vinnu á ári vegna veikinda, jafnvel minna. Þessa dagana er ég aftur á móti slappur án þess að ná því stigi að ég geti úrskurðað sjálfan mig veikan og verið heima. Mér leiðist að vera slappur - held það sé skárra að taka þetta með trompi og ná almennilegum veikindum.
Fór í ræktina á mánudag og tók meðal annars eina fótaæfingu, afturstig. Passaði mig á því að taka litlar þyngdir vegna þess að ég hef ekki tekið þessa æfingu lengi. Það skipti engu máli, ég er með þokkalegar harðsperrur eins og reyndar alltaf eftir þessa æfingu - geng um eins og ég sé með prik í rassinum :-)
Nú er sagt að harðsperrur séu ekki af hinu góða, ég blæs á slíkt! Auðvitað getur maður ofgert sér en hóflegar harðsperrur eru ekkert til að hafa áhyggjur af. Maður er vissulega að skemma vöðvana þegar maður lyftir, þeir gróa svo aftur í hvíld og stækka um leið, þannig virkar ferlið (held ég alveg örugglega). Það breytir því ekki að fólk á ekki að fara sér að voða og ef maður getur ekki hreyft sig eftir æfingu er nokkuð ljóst að full mikið hefur verið tekið á því.
|
www.flickr.com
|
