Kviðmágakvöldið heppnaðist stórvel, Regin bauð upp á dásamlegan mat og ég át á mig gat.

Ég kíkti í Sporthúsið rétt rúmlega fimm í gær og rölti svo til Regins með viðkomu í ríkinu, var mættur til hans um sjö, strákarnir komu svo um átta, hálf níu nema Einar sem mætti ekki. Stemmingin var stórfín - við sátum, drukkum og spjölluðum langt fram á nótt. Ekkert bæjarferðarrugl í gangi - djöfull er miklu skemmtilegra að sitja bara og spjalla í heimahúsi heldur en að ráfa eitthvað um í bænum.

Ég ræddi loks við einn vin minn um óljósar kjaftasögur sem ég hafði heyrt um hann fyrir nokkru- hans hlið á málinu var allt önnur og ég er sáttur - enda meikar hans saga sens en hin ekki. Magnað hvað svona kjaftasögur geta verið leiðinlegar og ósanngjarnar - en maður stoppar fólk ekki í því að breiða þær út, því er nú ver og miður.

Um fjögur rölti ég heim, nennti því nú engan vegin og ætlaði að hringja á leigubíl á miðri leið en hafði þá gleymt gemsanum hjá Regin - hafði gott af göngutúrnum þegar allt kom til alls.

Var ekkert sérstaklega þunnur í dag, við fórum í hádegiskaffi til tengdó og þar var ég stærtan hluta dagsins. Fór í inniboltann klukkan fimm og svitnaði hressilega. Gyða fór í bíó með Kötu vinkonu sinni núna rétt áðan, ég sit hér heima og hangi í tölvunni og horfi kannski eitthvað á imbann - það er líka ágætt að gera ekki neitt.