Inga María fékk rör í eyrun í morgun auk þess sem nefkirtlar voru fjarlægðir. Þetta er held ég í þriðja sinn sem hún fær rör í eyrun og Kolla hefur farið álíka oft, þannig að við erum orðin nokkuð sjóuð í þessu. Þetta er samt alltaf frekar stressandi. Aðgerðin var örlítið meira mál núna þar sem nefkirtlar voru líka teknir, hún þarf að vera heima á morgun en eftir röraðgerð hefur verið nóg að halda henni heima þann daginn.

Gyða fór með henni í aðgerðina í morgun og var hér heima til hádegis, ég tók við vaktinni þá. Inga María svaf í allan morgun, vaknaði skömmu eftir að ég kom. Fékk smá skyr og jógúrt og er núna að horfa á múmínsnáðaspólu.