Spagettí carbonara

Spagettí carbonara er einn af þessum einföldu ítölsku réttum sem samt eru til í ótal útgáfum. Í kvöld eldaði ég þennan rétt eftir mjög einfaldri og góðri uppskrift.

• 500gr spagettí
• ólífu olía
• hvítlauksrif, kramið
• bacon, hálfur pakki
• 3 egg við stofuhita
• smá mjólk eða rjómi (má sleppa)
• rifinn parmesan ostur, svona 1 dl

Sjóða spagettí al dente, semsagt - aðeins styttri tíma en stendur á pakka. Yfirleitt duga um fimm mínútur, maður smakkar þetta til.

Skera bacon í smáa bita og steikja vel í olíunni ásamt hvítlauksrifinu, baconið á að vera vel dökkt. Hvítlauksrifið er tekið úr þegar baconið er steikt en baconið látið standa í olíunni - halda heitu.

Eggin eru sett í skál, gæta þess að skálin sé ekki mjög köld. Hræra eggin saman og blanda parmesan ostinum saman við, kryddað með salti og svörtum pipar. Út í þetta má bæta smá rjóma eða mjólk.

Þegar spagettíð er soðið þarf að hafa hröð handbrögð. Spagettínu er skellt í skál, eggin eru sett út í spagettíið og hrært. Baconið og olían fer svo strax á eftir ofan í og er blandað saman við. Eggin eldast við hitann frá spagettíinu, baconinu og olíunni.

Þetta er allt, nú er hægt að bera þetta fram með rifnum parmesan osti, brauði og hvítvíni. Afskaplega einfalt og gott.