Kíktum í Fjölskyldu og húsdýragarðinn í Laugardal með Jónu Dóru, Ásdísi Birtu og Didda. Röltum um, stelpurnar léku sér og svo fengu allir pylsur.

Í kvöld var svo boð hjá tengdó í tilefni þess að Ása og Jens eru á landinu. Ása er systir Ásmundar og hefur búið í Danmörku í einhverja áratugi, er reyndar nýflutt til Svíþjóðar en þau vinna bæði ennþá í Danmörku. Þau koma reglulega til landsins en dagskráin hjá þeim er ansi þétt og því nauðsynlegt að halda smá hóf til að gefa fjölskyldunni kost á að hitta þau. Við stilltum upp í hópmynd, hér eru niðjar Áslaugar og Stefáns ásamt mökum. Reyndar vantar Áróru Ósk sem er í Danmörku með pabba sínum.

Á morgun fara stelpurnar aftur í leikskólann eftir fimm vikna sumarfrí, vonandi verða næstu dagar ekki of erfiðir en það má gera ráð fyrir að þær verði þreyttar í lok dags. Sem betur fer er þetta stutt vika.