03.08.04 American Splendor

American Splendor er að mínu mati frábær mynd. Gláptum á hana á DVD í gærkvöldi.

Þetta er sannsöguleg mynd um æfi Harvey Pekar sem vinnur í skjalasafni spítala og dundar sér við að skrifa teiknimyndasögur um líf sitt. Hinn raunverulegi Harvey Pekar kemur mikið við sögu í myndinni, er sögumaður og einnig er notast við myndskeið af honum úr þáttunum með David Letterman.

Mér þótti Harvey Pekar áhugaverð persóna, þörf hans fyrir að tjá sig á teiknimyndaforminu, skrifa frágsagnir af eigin lífi og tuða um allan andskotann, minnti mig á margan bloggarann. Var Harvey Pekar ekki frekar heppinn að bloggið var ekki komið til sögunnar því annars hefði hann fengið útrás fyrir tuðið og frásagnir af tilbreytingarlausu lífi sínu á annan hátt. Hefði hann ekki bara byrjað að blogga?

Myndin er látlaus, einföld og að mínu mati skemmtileg. Með betri myndum sem ég hef séð í nokkurn tíma.

03.08.2004 00:51 kvikmyndir

03.08.04

American Splendor

Nýjar athugasemdir