Kominn á fætur með stelpunum, við hjónin skiptum um morgna þessa helgi þar sem hún fór út á lífið í gærkvöldi en ég í kvöld. Erum búin að borða hafragraut og glápum nú á barnatímann.

Ég fer með Ingu Maríu í dans klukkan tíu, Kolla byrjar svo 10:40. Ætla að reyna að láta Áróru rölta með Kollu í ÍR heimilið.

Eftir dans förum við í hádegismat á Arnarnesinu, veit ekki hverjar líkurnar eru á að tengdafaðir minn verði á staðnum, það er víst nóg að gera hjá honum þessa dagana. Væri áhugavert að hitta hann og heyra hans mat á stöðunni.

Klukkan tvö ætla ég að bregða mér á Players og sjá leik Liverpool og WBA.

Klukkan fimm byrjar fyrsti innanhússfótboltatími vetrarins í íþróttahúsi Kársnesskóla, það verður fínt að sprikla aðeins inni, jafnvel þó ég sé oft helvíti aumur í fótunum eftir innitímana. Innifótbolti og útifótbolti er ekki sama íþróttin.

Strax eftir bolta er svo stefnan sett á kvenfélagsfund heima hjá Regin þar sem ég ætla að elda kjúklingarisotto og drekka haug af áfengi. Þurfum að koma við í matvörubúð og versla í matinn í millitíðinni.

En næsta verkefni er að finna föt á stelpurnar, eina krefjandi verkefni dagsins!