Jesúsköltið, raunveruleikinn og móðgunargirni

Þrjár greinar á Vantrúarvefnum sem ég mæli með. Nóg að gerast þar um þessar mundir, áhugaverðar greinar og virk rökræða í gangi. Nú þarf ég bara að drullast til að klára eins og eina eða tvær greinar :-)

Óli Gneisti skrifar um Jesúsköltið, ef Jesús var til er varla mikill munur á honum og nútíma költ gúrúum.

Jesús var költforingi. Ef Nýja Testamentið er lesið þá sést að hann notaði nákvæmlega sömu aðferðir og költforingjar í nútímanum. Jesú hvatti fylgismenn sína til þess að yfirgefa fjölskyldur sínar, gefa eignir sínar og hætta í vinnunni.

Birgir fjallar um raunveruleikann og flótta mannsins frá honum.

Ég held engu fram um tilurð okkar og heimsins en því sem vitað er og sannað. Ég sé í hendi mér að maðurinn er ekkert meira en heilastórt spendýr sem þróast hefur á þann veg sökum ýmsissa aðstæðna sem sköpuðust á vegferð hans.

Vésteinn er með pistil um rökræður og móðgunargirni.

Íslendinga vantar debatt-menningu. Þeir taka gagnrýni persónulega. Ef maður er ósammála einhverjum um eitthvað stærra mál, þá upplifir hann það sem árás á sig, sem svo að maður sé að segja að hann sé heimskur að vera ósammála manni.