Tók nokkrar myndir í dag. Fyrst í morgun þegar ég og Kolla gengur í ÍR heimilið þar sem hún fór í dans. Hittum Gyðu og Ingu Maríu þar, Inga María er í dansi á undan Kollu.

Tók svo fleiri myndir hér heima og á Arnarnesi þar sem við vorum í hádeginu.

Kíktum í Smáralind og keyptum mjög fína kuldaskó á stelpurnar í boði Gunnu. Í Eymundsson keypti ég litla matreiðslubók um eldamennsku í Toskana, borgaði fimm hundruð krónur sem er ágætt. Skellti mér svo í innibolta þar sem níu voru mættir, í fyrsta sinn sem við náum átta eða fleiri á þessu tímabili. Miklu skemmtilegra að spila innibolta þegar hægt er að stilla upp fjórum á móti fjórum. Spiluðum þrjá leiki sem enduðu 10-9, 10-9 og 9-9, náðum ekki að klára síðasta leikinn. Ég skoraði tíunda markið í tveimur fyrri leikjunum, klúður að slútta ekki síðasta leiknum líka :-P