Það er að verða hefð á mínu heimili að ég eldi eggjaköku í hádeginu í miðri viku. Gerði eina með fimm eggjum, parmesan, paprikuosti, bakon og ferskri basiliku handa stelpunum áðan. Ákvað að vera heima til eitt, finnst alveg nóg að Áróra sé ein með litlu systur sína í tvo tíma í tilefni dagsins.

Vígði litla pönnu sem við keyptum í IKEA um daginn, hún hentar mjög vel til eggjakökugerðar, snúningur gekk snurðulaust fyrir sig.

Ég get hér með bætt eggjakökum á listann yfir það sem ég kann að elda. Það telst ekki með þegar maður hefur gert það einu sinni, en maður má halda þessu fram eftir annað skiptið.