Við hjónin kíktum á Holtið í hádeginu í tilefni dagsins. Hádegismatseðillinn er einfaldur og verði stillt í hóf.

Ég fékk mér Steiktar lundabringur á sætkartöflum með sætri eldpiparsósu í forrétt en Gyða pantaði Saffran skelfiskssúpu með hörpuskel, rækjum og humar. Hvoru tveggja mjög gott, kartöflumúsin úr sætu kartöflunum bragðmild og sósan góð.

Í aðallrétt fékk ég mér smjörsteikta keilu með kryddjurta risotto, brunoise grænmeti og portvínssósu og Gyða steiktan kola með rauðrófu tagliatelle, fennelsultu og fennel sósu. Ég ætlaði fyrst að fá mér kolann en ákvað að fara í keiluna fyrst það var með risotto.

Mér fannst keilan falleg en frekar bragðdauf. risotto, grænmetið og sósan bættu það upp. Kolinn var góður og taglitelle sérlega gott.

Massív þjónusta alltaf á Holtinu (skrifa ég eins og ég sé reglulegur gestur :-) ), lítið vatnsglas tæmdist aldrei. Gott brauð á borði, tapenade (held ég) og olía.

Verð á mann; 1900.- kr. Það er náttúrulega bara rugl að borga svo lítið fyrir að borða á Holtinu. Létum léttvínið eiga sig enda að laumst úr vinnu í hádeginu.