Vinnufélagi minn sagði mér í gær að hann væri í vandræðum með nýja stafræna myndlykilinn, fengi meldingu um að kortið væri ekki rétt. Ég kannaðist ekkert við slíkt, þetta gekk vel hjá mér fyrsta kvöldið.

En í gærkvöldi fékk ég þessa sömu meldingu og núna í morgun er þetta að poppa upp reglulega. Villan {smartcard wrong insert } kemur á skjáinn og stöðin sem maður er að horfa á frýs. Hægt er að skipta um stöð og skipta aftur skömmu síðar. En þetta er náttúrulega hrikalegur böggur. Ég hefði orðið brjálaður hefði ég lent í þessu í gærkvöldi þegar ég var að horfa á leikinn. Kortið er rétt sett í, ég er búinn að athuga það.

Í hvert sinn sem ég kveiki á afruglaranum koma þessi skilaboð:

There is the lastest (sic) s/w
Do you want to upgrade?

En það gengur ekki að uppfæra, heldur endar það með villu:

New software Upgrade Fail,
(Error Code:# 2)

Digital Ísland er semsagt eitthvað að hiksta. Þessa stundina get ég horft á Ómega, popp tíví og RÚV. Ekkert af hinu virkar.