Tók Liverpool leikinn í dag upp og þurfti því að fara varlega í netrápi eftir hádegi svo ég rækist ekki á úrslit leiksins. Hef nefnilega oftar en einu sinni klikkað á þessu.

Þetta tókst þó mér hefði tekist að klúðra þessu tvisvar, fyrst slysaðist ég á mbl og sá að það hafði verið markalaust í hálfleik. Síðar datt ég alveg óvart inn á þessa síðu en fattaði hvað ég hafði gert áður en ég náði að lesa fréttirnar.

Horfði á leikinn um leið og ég kom heim, átti ekki von á góðu. Frekar slappur leikur en verðskuldaður sigur hjá Liverpool.