Örvitinn

Macro með öfugri linsu

Prófaði að taka macro myndir með tveim linsum áðan. Setti 18-70 linsuna á vélina og hélt 50mm linsunni öfugri fyrir framan. Það er hægt að fá millistykki til að skrúfa linsuna öfuga á, en ég hélt henni bara. Tók sárafáar myndir, var bara að sjá hvort þetta virkaði ... og þetta virkar.

18-70 linsan var í 70mm, f11 og manual fókus á endalaust (spurning um að segja að hún hafi fókusað "út í buskann"). 50mm linsan var í f1.8 og manual fókus á endalaust líka. Notaði flassið og spot metering.

Tók þessa mynd af auganu á Kollu. Maður þarf að fara rosalega nálægt til að ná fókus og því var ég ekki að pirra hana með því að taka margar myndir. Klippti aðeins af hliðunum.

macro mynd af auganu á Kollu

Þessa tók ég af takka á lyklaborðinu á ferðavélinni, hún er óklippt - bara minnkuð.

macro mynd af lyklaborðinu

Væri gaman að eignast einhverntíman góða macro linsu.

myndir
Athugasemdir

Jósi - 19/01/05 17:48 #

Ódýrari leið er að fá sér dioptera sem passa á linsurnar sem þú ert með núna, en það er strangt til tekið ekki macro myndataka.

Matti Á. - 20/01/05 01:41 #

Tók eina mynd í viðbót núna áðan. Stillti úrinu upp á hvítan pappír, sem reyndist óþarfi nema kannski fyrir flass endurvörpun, setti flassið á lítinn þrífót og notaði svo sömu aðferð og áður. Svona leit setupið út.

Og svona kom úrið út.

Tyrkinn - 24/01/05 16:42 #

Tyrkinn keypti sér Kenko extension tubes (12mm, 25mm og 36mm) í þessar macro myndir. Færð ekki svona hraustlegt vignetting á myndirnar og þarft ekki að halda linsunni fyrir framan. Færð samt mjög lítið dof á myndirnar eins og með þessu og því getur verið trikkí að fókusa og yfirleitt nauðsynlegt að nota lítið ljósop.

Kenko myndir af piparkornum og cheerios

Matti Á. - 25/01/05 11:20 #

Helvíti flottar myndir, sérstaklega finnst mér þessi síðasta flott.

Er þetta með 50mm linsunni og extension tubes ?