Er það ímyndun í mér, eða er "frétt" sem tengist sjónvarpsþættinum Aðþrengdar eiginkonur á hverjum degi á mbl? Sá frétt áðan og fannst eins og ég væri alltaf að rekast á eitthvað tengt þættinum, þetta fann ég með leit á mbl, fyrsta fréttin er frá því í febrúar, skömmu áður en byrjað var að sýna þættina hér.
Það er forvitnilegt að fylgjast með því hvernig auglýsingar eru farnar að troða sér inn í fréttaefni, ég held það sé engin spurning að almannatengslaskrifstofa úti í heimi dreifir svona "fréttum". Væri ekki heiðarlegra ef þetta væri bara merkt sem auglýsingar. Kannski sér ákafur aðdáandi þáttanna um slúðurfréttirnar hjá Morgunblaðinu.
Og svo horfi ég ekki einu sinni á þessa þætti og les aldrei svona fréttir, nema þegar það er "kynlíf" í fyrirsögninni :-P
Ég var sem betur fer ekki sá eini sem sá þetta :-)
Hmm, eins og Óli bendir á hafa tvær fréttir birst í dag! Þetta er eitthvað skrítið.
Ég held að moggaliðið sem kíkti hingað inn í fyrradag sé að grínast í vinnunni, annað væri of undarlegt :-)
Þeir láta ekki deigan síga.
And they keep coming!
Að vísu ansi góð fyrirsögn og tíðni fréttanna hefur nú minnkað talsvert.
Ég var farinn að hafa áhyggjur, maður hefur ekkert heyrt af leikurunum í einn og hálfan mánuð :-)
Annars hlýtur fréttatíðnin að aukast þegar næsta sería fer í loftið hér á landi.
Ekki örvænta, fréttaflóðið er vissulega minna en áður en í dag fáum við þó smá sprænu.
Dálítið skondið korn í þessari frétt.
Og í titlinum í þýðingunni á mandarín, útbreiddasta tungumálið í Kína, eru eiginkonurnar ekki „aðþrengdar“ heldur „brjálaðar“.
Á frummálinu eru eiginkonurnar ekki „aðþrengdar“ heldur „örvæntingarfullar“.
Ekki algengt að ég nái að lauma inn frétt :-) Ég þyrfti að fara að telja þessar vísanir en nenni því ekki.
Ég sá svo eftirfarandi frétt um daginn en sleppti henni því hvergi er minnst á þáttinn, en allt í lagi að hafa þetta með fyrst um er að ræða leikkonu í þættinum.
|
www.flickr.com
|
