Skundaði í Laugar rétt rúmlega eitt og fjárfesti í árskorti. Tók svo þokkalega hóflega á brjósti og baki. Hrikalegur lúxus að geta skotist hádeginu í ræktina. Er tvær mínútur að keyra á milli, kannski fjórar að hjóla.

Stefnan er að fara í ræktina á mán, þri, mið, fim en sleppa föstudögum því þá er innibolti. Reyndar er kominn einhver útibolti á miðvikudögum en ég ætla að sjá til með það. Ætla að hjóla einhverja morgna beint í Laugar, lyfta þar og fara í sturtu og hjóla svo í vinnuna, svitna ekki á þeirri leið.

Líst vel á aðstöðuna, gömlu tækin á sínum stað og svo hrúga af einhverjum nýjum sem ég mun líklega lítið nota. Hitaði upp á hlaupabretti í 10 mín og fann strax muninn borið saman við draslbrettin í Sporthúsinu. Fékk sæluhroll þegar ég greip handklæði um leið og ég gekk inn í salinn, litlu hlutirnir skipta máli.

• Sporthúsið - World Class