Pepperoni carbonara !

Ætlaði að elda carbonara í kvöld en átti ekkert beikon. Var frekar seint að huga að kvöldmatnum, sofnaði í sófanum meðan stelpurnar horfðu á barnatímann.

Prófaði í staðin fyrir beikon að nota grillaða kjúklingabringu sem ég átti í ísskápnum frá því í fyrradag og pepperoni. Skar kjúkling og pepperoni smátt og steikti upp úr smjöri og olíu ásamt þremur heilum hvítlauksrifjum. Að öðru leyti bara nákvæmlega eins og áður, notaði reyndar fimm egg en ekki þrjú.

Carbonara með pepperoni kemur bara ansi vel út skal ég segja ykkur. Ekkert síðra en með beikoni. Stelpurnar borðuðu mjög vel og fengu sér allar ábót.