Það má segja að gærdagurinn hafi verið nokkuð langur. Brúpkaup Einars og Maríu um daginn, árshátíð Vantrúar um kvöldið og fram á nótt.

Brúðkaupið var vel heppnað, ég tók í þetta skiptið afar lítið eftir því sem presturinn sagði í kirkjunni, var upptekinn við að fylgjast með ljósmyndaranum sem notaðist við Nikon D2X vél og var með fullt af afar kynæsandi linsum. Athöfnin var í Garðakirkju og veislan í Garðaholti. Veitingarnar voru afar glæsilegar. Gaman líka að hitta allt liðið, kvenfélagið kemur sjaldan saman með mökum!

Um fimm fórum við heim að undirbúa árshátíðina, ég þurfti ekki að gera mjög mikið, var með snarl fyrir matinn, snigla, snittur (mosarella, tómat og basil) og hummus. Aðrir komu með ketið. Kvöldið var afar skemmtilegt, mikið skrafað og hlegið, ég drakk slatta af hvítvíni - varð jafnvel örlítið ölvaður :-P Síðustu gestir yfirgáfu Bakkaselið rúmlega fjögur í nótt.

Við hjónin skelltum okkur á American Style eftir hádegi í dag áður en við sóttum stelpurnar sem þá voru staddar á ylströndinni með pabba. Ég er dálítið lúinn.