Spinning í hádeginu

Fór með Harjit, vinnufélaga mínum, í spinning í Laugum í hádeginu. Hef ekki farið í spinning í að minnsta kosti átta ár.

Harjit var spinning kennari í den og tók mig undir sinn verndarvæng, stillti hjólið og ráðlagði mér í tímanum, passaði að ég gerði allt rétt og ofgerði mér ekki. Ekki ónýtt að hafa einkaþjálfara í svona tíma.

Þetta var helvíti fínt, ég svitnaði gríðarlega^* og kláraði fullan vatnsbrúsa í tímanum. Þyngdi ekki alltaf þegar kennarinn skipaði til en tók á því allan tímann. Held ég eigi eftir að finna fyrir þessu á morgun og eflaust á fótboltaæfingunni í kvöld.

Stefni á að gera þetta oftar.

^* - og svitna enn!