Henson - FC Fame

Henson 1 - 5 FC Fame

Leikurinn fór fram á Fylkisvelli í kvöld við fínar aðstæður. Nokkur vindur að marki Henson í fyrri hálfleik en lyngdi í síðari hálfleik. FC Fame valdi að skipta um vallarhelming í upphafi leiks, afar skynsamleg ákvörðun eftirá séð.

FC Fame voru betri og áttu sigurinn skilinn. Staðan var 4-0 í hálfleik, sú markatala gefur kannski ekki alveg rétta mynd af hálfleiknum en úrslitin eru sanngjörn. Seinni hálfleikur í meira jafnræði eins og tölurnar gefa til kynna.

Leikurinn fór þokkalega vel fram, ekki mikið um brot og m á segja að það hafi vantað meiri hörku í Henson liðið. Við erum að spila þetta alltof laust, sem er eiginlega bara kjánalegt því andstæðingar okkar væla hvort sem er !

Svosem lítið um þennan leik að segja. FC Fame voru með öfluga sentera og gáfu mikið af löngum boltum fram. Mörkin sem þeir skoruðu í fyrri hálfleik komu eftir langa bolta sem varnarmenn Henson náðu ekki að hreinsa frá. Í tví eða þrígang skoppaði langur bolti yfir varnarmennina. Í fyrri hálfleik héldu þeir boltanum samt oft ágætlega og spiluðu vel þegar þeir voru ekki að bomba honum fram.

Kjartan skoraði markið okkar með góðu skoti fyrir utan teig. Vel gert hjá honum. Fengum ekki mörg önnur færi, Oddi komst þó aleinn í gegn eftir glórulaust klúður hjá varnarmönnum þeirra sem áttu misheppnaða sendingu aftur og tækluðu svo hver annann (og heimtuðu svo rangstöðu í kjölfarið!) en Oddi tók sér of langan tíma og varnarmaður komst fyrir.

Ég spilaði frammi síðustu tíu mínúturnar eða svo. Var ekki að gera margt merkilegt en kom þó með smá baráttu inn í þetta og fór í nokkrar tæklingar. Vantaði alveg að menn væru að láta finna fyrir sér. Ætla að spila meira í næstu leikjum.

Svo ég taki það aftur fram, þá átti FC Fame sigurinn skilinn, voru betra liðið. Við spiluðum illa, sérstaklega í fyrri hálfleik, vorum slakir í öllum stöðum. Markatalan að mínu mati í stærra lagi, en úrslitin rétt.