Furðufugl (uppfært)
Tékkið á kommentum Ásgeirs á Vantrú og hjá Bigga.
Smá sýnishorn úr Vantrúarkommentinu:
Skepticusarrugluhausarnir, geta svo troðið lygum sínum og geðsýki, upp í rassgatið á sér sjálfum, og látið gáfað fólk eins og mig, í friði með sínar gáfur, þetta er það sem þið vilduð, þið báðuð um þetta, sem trúið þessu ekki, í 1260 ár - að við sem trúðum þessu skildum að þið hefðuð engan áhuga á að sjá neinar sannanir lagðar fram á borðið sem gætu gert öfgafullar nasista eða kommúnistaskoðanir ykkar að engu, gjöriði svo vel, verði ykkur að góðu, og skiptið ykkur ekki af mínum málum.
Hve bilað getur fólk verið?
Úr kommentinu á síðunni hans Bigga:
Nú viðurkenni ég sem háskólaborgari, og sem akademíkker, og sem andlega og vísindalega sinnaður maður, að ég trúi einfaldlega ekki því að sömu fyrirbærin sem sjást aftur og aftur og aftur um allan heim á sama tíma séu tilbúningur einhvers eins eða fleiri aðila. Bara sorrý, ég trúi því ekki. Þannig að ég vil biðja þig um, nema þú sérst meðlimur í Skepticusi, að skipta þér ekki af mér. Í þessum heimi, er ég forfaðir hvíta hákarlsins. Forfaðir hvíta hákarlsins, var svo stór, að hann gat bitið hvíta hákarlinn í sundur um miðjuna þvera. Þegar einhverjir ómerkilegir trúðsfiskar eru að reyna að synda upp í opið geðið á mér, þá þarf ég ekki annað að gera, en að gera það sem ég gerði við Skepticus, og það er að opna kjaftinn.
Ég segi bara vááá :-)
14:45
Tók mig til og setti nýjustu athugasemd hans inn sem lesendabréf á Vantrú.
Kristján Atli - 07/07/05 20:01 #
Þessi ummæli - og þá sérstaklega lesendabréf hans - voru ágætis lestur. Það er eitthvað svo öfugsnúið við þá staðreynd að í Háskólastofnunum landsins skuli mestu "trúarnöttarar" landsins leynast. En það er engu að síður raunin.
Sjálfur hef ég átt það til, ef sá gállinn er á mér, að gera mér mat úr því að pirra 'þetta fólk'. Hef oftar en ekki komið af stað, ja, lifandi umræðum innan Háskólans um Gvuð og Jesús og heilagar kýr, og svo mætti lengi telja ... :)
Málið er bara, að það virðist alltaf vera til fólk þarna úti sem finnst það ósvífni að maður skuli voga sér að vera því ósammála. Og einhverra hluta vegna safnast þetta fólk saman innan veggja H.Í. Merkilegt, það.
Matti - 07/07/05 22:26 #
Maðurinn gengur líklega ekki alveg heill til skógar, ég er eiginlega kominn með móral yfir að hafa birt þetta :-|
En þetta er rétt með HÍ, þeir voru ófáir nýaldarsinnarnir í Heimspekinni þegar ég var þar, aðallega stelpur samt. Reyndar voru líka nokkrir nýaldarsinnarnir í tölvunarfræðinni, meðal annars einn sem gerði lokaverkefni sem byggði á afar vafasömum nýaldargrunni.
Við ákváðum að breyta aðeins Vantrúarfærslunni. Ég tók út fullt nafn hans og póstfang. Látum það þó standa óbreytt í athugasemdum hans enda er það sett inn með hans vilja.
Þetta með ósvífnina er rétt, við erum reglulega sakaðir um hroka og skort á umburðarlyndi á Vantrú, jafnvel af öðrum trúleysingjum :-|
Kristján Atli - 07/07/05 23:22 #
Ekki vera með móral yfir því að birta þetta. Skil vel að þú takir út netfangið hans, en hann birtir þetta af fúsum og frjálsum vilja undir nafni og er fullorðinn einstaklingur (þ.e.a.s. ef hann er í alvöru í Háskólanum). Ég meina, ég gæti verið veill á geði en þú lætur mín ummæli samt standa, skilurðu mig?
Hann verður að bera ábyrgð á eigin orðum eins og aðrir - sama þótt orð hans bendi til þess að þar sé einstaklingur í ójafnvægi á ferð.