Ég geri mér alveg grein fyrir því að Morgunblaðið er málgagn Þjóðkirkjunnar og að einhverjir blaðamenn þar á bæ eru kristnir, en þessi frétt er, að mínu hógværa mati, furðuleg.

Íslamskur klerkur segir tilræðismenn ekki múslima heldur trúleysingja

„Þess vegna eigum við að segja upphátt að hver sá sem drepur saklaust fólk ... er ekki múslimar og islam er saklaus af því að tengjast slíkum manni... Við erum steini lostin yfir þessu fólki sem réttlætir slíkar gjörðir og lítur á þær sem heilagt stríð í nafni Guðs og telja sjálfa sig fyrirmynd múslima. Þeir sem gera það eru trúvillingar,“

Ég finn ekkert um málið á cnn eða bbc, samt er þetta aðalfrétt MBL þessa stundina. Hvaða fréttamat er það? Af hverju segja þeir trúleysingjar í fyrirsögn þegar haft er eftir manninum "trúvillingar"? Nú hefur fólk vissulega fengið að úthúða trúleysingjum afar reglulega í Mogganum^*, en er ástæða til að Mogginn hafi frumkvæði að því? Hverjum er ekki sama hvað einhver íslamskur klerkur hefur um málið að segja?

Ég ætla að segja ykkur örlitlar fréttir. Þetta voru múslimar. Enn og aftur fæ ég gott tilefni til að vísa á grein Dawkins: Religion's Misguided Missiles. Sama hve trúmönnum langar mikið til að afneita öllu slæmu og öllum sem gera illt geta þeir ekki hreinsað hendur sínar af þessum hryðjuverkamönnum.

Íslam og kristni eru ekki trúarbrögð friðar, það er grænsáputúlkun. Í helgibókum beggja trúarbragða eru fylgismenn hvattir til að beita ofbeldi gegn villutrúmönnum.

^* T.d. geðsjúklingurinn Jónína Ben og Biskupsfíflið (sjá nánar á skoðun).

18:30

Þess má geta að Morgunblaðið breytti textanum eftir fyrirspurn frá Sævari. Nú tala þeir um heiðingja. Því er enn ósvarað af hverju þeir telja þetta fréttnæmt yfir höfuð. AFP er með fréttina sem mogginn þýðir, þar er talað um infidels, sem þýðir villutrúmenn, ekki trúleysingjar, ekki heiðingar, þó það standi í einhverjum orðabókum. Villutrúmenn. Með því orði er átt við alla þá sem ekki trúa á Gvuð (eru ekki múslimar, kristnir eða gyðingar). Það er ekki hægt að sjá alla fréttina hjá AFP nema með því borga en þetta er inngangurinn.

London bombers 'infidels,' not Muslims: top UAE preacher Length : Short ( 198 words ) Keywords : Britain, attacks, UAE, religion

A prominent UAE preacher denounced on Friday as infidels Muslims who carry out attacks against innocent civilians around the world, including the perpetrators of the London blasts. "Do these people...