Sjávarréttarisotto

Eldaði sjávarréttarisotto í kvöld. Áttum humar, sem við fengum hjá tengdó í vikunni. Nettó er að selja annars flokks humar, pokinn á fimm hundruð krónur.

Komum við í búðinni á leiðinni heim og versluðum. Keypti fiskisoð, risarækjur og blandaða sjávarrétti.

Eldaði risotto með hefðbundnum hætti, steikti sellerí, lauk og hvítlauk, bætti grjónum út í, svo hvítvíni og loks fiskisoði, ausu fyrir ausu. Þegar risottoið var að verða tilbúið bætti ég humrinum og restinni af sjávarfanginu út í ásamt söxuðum ferskum tómötum. Passaði að ofelda ekki humarinn og því var þetta ansi blautt.

Afar gott, svo ég segi sjálfur frá. Stelpurnar borðuðu vel, voru sérstaklega hrifnar af humrinum og rækjunum.