Vöknuðum í frekar leiðinlegu veðri í Ásbirgi og ákváðum að skella okkur í bæinn. Veðurspáin er ekkert sérlega spennandi.

Fengum okkur hádegismat á Greifanum á Akureyri, stoppuðum örstutt á Blöndósi og í Borgarnesi og erum komin aftur í hreiðrið. Ég er búinn að hlusta á Disney lögin aðeins of oft í dag!

Þegar ég ók inn Bakkaselið (eftir örlítinn hring í Seljahverfi) var kílómetramælirinn í 1999.9 km, ég núllstillti hann þegar við ókum úr bænum fyrir tæpum tveim vikum. Ég bakkaði á stæðinu og ók aftur að bílskúrnum, vildi sjá 2000 km en fjandakornið, mælirinn núllstillir sig við tvöþúsund kílómetra. Það er ekkert merkilegt við kílómetramæli sem er á 0.00

Ókum framhjá rústum hjólhýsa undir Hafnarfjalli eins og Nanna. Veðrið var þokkalegt þegar við vorum á ferðinni, engin hætta á að við myndum fjúka út í buskann.